‫الرئيسية‬ آخر الأخبار لو دا تصرف فردي التصرف المنهجي يكون كيف ؟
آخر الأخبار - مارس 1, 2023

لو دا تصرف فردي التصرف المنهجي يكون كيف ؟

الخرطوم – الشاهد :

كتب حمور زيادة :افهم انو ده تصرف فردي لما أول ما يضرب رصاص زمايلو المعاهو يجو جارين عليهو يرموهو في الأرض ويقلعوا سلاحو ويعتقلوهو. ويشيلوهو مكلبش للقسم. ويجرو يشوفو الولد الاتضرب رصاص ويحاولو يسعفوهو. كده يبقى ده زول متفلت، وارتكب جريمة فردية. لكن زول في نص العساكر يطلع يضرب مواطن طلقة قدامم. ويلف يرجع عليهم بكل ثقة. والمواطن المضروب قدامم رصاص يشيلوهو مواطنين يجرو بيهو المستشفى،* والعساكر واقفين يعاينو!
ويطلع بيان الشرطة يقول سمعنا في مواطن مات! مما يعني انو زمايلو ما قبضوهو، ولا بلغو عنو!
ثم لاحقا تجو تقولو اوبس حصل تصرف فردي؟
طيب التصرف المنهجي يكون كيف لو ما كده؟
عسكري يضرب زول رصاص قدام العساكر مافي زول يسألو! يبقى فردي؟

‫شاهد أيضًا‬

الدعم السريع يفرج عن 28 من عناصر الجيش

كادقلي – الشاهد: أطلقت قوات الدعم السريع سراح 28 من الجيش تم أسرهم قبل نحو اسبوع في …