الإستقطاب البكون في الضلمة

إجلال الفاضلابي :

المبادئ والاخلاق دي حاجه مهمه جدا وكلما اتفقدت كلما زاد الفساد وعدم الصدق والتسلق فدايما الناس تتحسس أخلاقها
يعني الزول المقتنع بالعملية السياسية مامحتاج غرف مغلقة ومؤامرات ودسائس وإغراءات عشان بزيد من اقتناعوا ده والمؤمن بالتغيير الجذري مامحتاج تطرف في الشعارات ولا محتاج انو يثبت روحوا بي طريقه متطرفه.
القيمة الادتها الثورة دي للناس لو مااتبعتها بي الأخلاق والمبادئ يبقي كل زول عندو مآرب فيها وبستغل القيمة دي لي صالح روحوا .الثورة خلتنا نعرف ناس كتار شديد في الاتساقطوا وفي اللسا مواصلين في الدرب .
فدائما وابدا خلي بوصلتك الاخلاقية شغالة . والحوارات والنقاش وانت كعضو مكتب في لجان المقاومة مع أي زول عن الوضع السياسي بكون في النور لأنك لحظتها مابتعبر عن نفسك بل بتعبر عن الرؤية الانت بتمثلها. فبالله بطلوا لينا قصص الاستقطاب البكون في الضلمة ده .