أي ارتفاع جديد في سعر الدولار في السوق الموازي مسؤولية البرهان وحميدتي

الهادي ود البورت :

بدون لف ودروان أن شاء الله كلامي ده يقع ليك يا ميرغني أنت والمعاك والزيك :

قياسياً على ما جرى اليوم والصفقات في الأمارات في السوق الموازي وهو مكشوف جداً .. تجار العملة هناك مواصلين اللعب ولا خايفين من زول وبيتباهو للناس أنو كل الشباب القايمين في حملات التحويل المصرفي والنظامي و محاربة تجار العملة ..وكل الناس الساعين لاستقرار أوضاع أهلهم بسموهم (شفع النت ) وشايفين نحن بنلعب لعب ساكت وحاسّـين أنهم محميين من العسكر والدعم السريع
…
أيا كان صدق كلامهم أوتوهمهم ، حميد تي والبرهان قياسا على ما كان متبع من قبل الثورة وبكل اسف بعضه ساري حتى الآن في عمليات الاستيراد الرسمي يمكن معروفين بالنسبة ليهم ,
…
حتى لو ما بيعرفوهم قياساً على أحكام الوثيقة الدستورية هم الفي يدهم يتعاملوا مع أي تهديد أمني يسببه تجار العملة والدهب (والأتنين حاجة واحدة ) ….. هم الفي يدهم يجيبوهم هم الفي يدهم يمنعوهم أو يوقفوهم وعلاقاتهم بالأمارت معروفة
….
أي إرتفاع لسعر الدولار في السوق الموازي بدء من الأسبوع ده مسؤولين بشكل مباشر منو حميدتي والبرهان ..
لانو الريال والدرهم في السوق الموازي في الأمارت جف تماماً وكل أرصدة تجار العملة حالياً كاش سوداني .. خصوصاً بعد بنك السودان شدد على تحصيل عوائد الصادر في حرامية وآكلين العوائد بفتشوا على دولار يحولوه السودان عشان يعملو تسوية مع بنك السودان
…
اي وجع يصيب الشعب السوداني من ارتفاع الدولار نبسأل البرهان وحميدتي تحديدا.. ما تقولوا لي سياسة اقتصادية وغيره
..
السادة تجار الأمارت.. تعالوا أعملو صرافات واشتغلو بالمكشوف أمام أعين الشعب السوداني وتحت أجراءات بنك السودان … المتغطي بالعساكر عريان والله .. بكرة نبلكم في الأمارت والسودان حا يرفعوا يدهم منكم