آخر الأخبار - يونيو 20, 2022

بنات من نار

هادي ود البورت:

الجنجويد واربابهم الجدد من الحركات طوال 8 شهور شايلين شنطهم وبيشتروا في المؤثرين لكن في عشرات الكنداكات ما وهنو وما ضعفوا ولا استكانو للأنقلاب
على سبيل المثال :-
الصحفية درة قمبو Durra Gambo تشارك في التحليل في القنوات و تراسل القنوات و تكتب بعزيمة قوية إن الأنقلاب ساقط لا محالة مجرد ما تقرأ ليها تتطمن بسقوط الإنقلاب .. للمعلومية ممكن بس تسكت ما ضروري تنتقد أو حتى تتلوي الكلام وتردم لجان المقاومة وتخلق بعبع اسمو الحرية والتغيير للتأثير على الإنتقال المدني الموجه وتركب أنفنيتي أو جي كلاس زي ما عملوا غيرها من مال المرتزقة السائب
>>>
إجلال الفاضلابي Iglal Alfadllabe خلال 8شهور شهدت 100 موكب ومليونية أو نحوها ولم يبقى في صدرها شعبة هوائية إلأ وفيها بنبان وأنهك جسدها بالمشاوير الطويلة والرايش والسكسك .. كان ممكن تقعد في بيتها و توالي الجنجويد أو حتى تسكت بس وترسل أولادها للقراية في لندن زي ما عملوا غيرها
……..
في حاجة مهمة مهما تعمل فيها مؤثر وخطير وتلوي الكلام لخدمة الأنقلاب بكرة الخوارزميات تنزلك لأنو التفاعل ما عشانك أنت كشخص عشان حالة الثورة في البلد .. فمجرد تحيد عن الخط الشعب السوداني ما غبي بنزلك وبشوف غيرك .. عشان كده صفحات كتيرة راحت وأفل نجمها وصفحات كتيرة طلعت بعد الأنقلاب وما دايم إلا وجهه
….
باكر بروح الأنقلاب و تفضل المواقف والحساب بجمع

‫شاهد أيضًا‬

موجهات لمليونية 30 يونيو

الخرطوم – الشاهد: تداول ناشطون ما سموه بديهيّات للأغلبية ” بس لتنبيه من يحتاج،…