ندوة عن إضراب 24 أغسطس

الخرطوم – الشاهد:

عن تنسيقية لجان مقاومة الكلاكلات وجنوب الخرطوم صدر بيان فيما يلي نصه :
يا حنوناً دافئ المناهل
مالو زولك ممكون و ناحل
و انت عندك يابا السواحل
و السهول غاباتك مراحل
و الشمس و النيل و الغمام

الكلام الفوق دا قالوا ناس لجان مقاومة الكلاكلات لإضراب 24 أغسطس ، سمعت بالإضراب دا ؟؟؟؟
– اي سمعت لكن م فاهم حاجة ، قالوا بتاع نقابات و مجالس مهنية و تجمعات مهنية بس وانا كمواطن و موظف لا فى نقابة لا فى مجلس مهني و ما عندي أي دور فى الإضراب دا .
كيف م عندك دور ، و المواطنين والموظفين هم دينامو الدولة دي و المحرك الأساسي؟؟؟!
– كيف يعني المحرك الأساسي يعني لو اضربت يوم واحد بحصل شنو الحكومة ح تسقط مثلاً و لا الوضع الإقتصادي ح ينتعش ؟!
يا زول اسئلتك دي عاملين ليها ندوة مركزية عديل علشان تلقى أجوبتك دي .
– يعني ح يجاوبوا ع أسئلتي دي و أي أسئلة ممكن اسألها ؟؟؟
اكيد انت تعال بس .
– ح تكون وين ؟؟؟!
فى مكتبة أبوآدم
– خلاص تمام
– دقيقة دقيقة
قلت ليك أي أسئلة ح تلقى أجوبتها هناك ف شنو تاني
– يا زول الأسئلة بتاعتي دي ح اكتبها ف ورقة عديل بس نسيت توريني الزمن الساعة كم عشان بكرة انا شغال ؟!
يا زول زمن ظابط مع الناس كلها الساعة 6 مساء

– ظابط نتلاقى هناك

إنتهى

#إضراب24أغسطس
#مليونية22أغسطس
#لاتفاوض_لاشراكة_لامساومة

المكتب الإعلامي
19 أغسطس 2022 م