‫الرئيسية‬ آخر الأخبار اقتراب اضافة أكبر مشروع طاقة شمسية بالسودان حتى الآن للشبكة القومية للكهرباء
آخر الأخبار - سبتمبر 17, 2022

اقتراب اضافة أكبر مشروع طاقة شمسية بالسودان حتى الآن للشبكة القومية للكهرباء

الهادى بورتسودان:

مشروع مصنع ماس للاسمنت للطاقة الشمسية على وشك يضاف للشبكة المشروع حا يضيف 54 ميقا واط وهو أكبر وأهم مشروع طاقة شمسبة في السودان للآن .. كان واحد من الخطط الفيها يتم تغذية الشبكة طاقة شمسية ON-GRID .. ودي حا تخفض التكاليف كتير بالذات للمزراع والمصانع المعظم حمولتها نهاري
المشروع ممكن يكلف حوالي 70 مليون دولار (غير متأكد لأنو لسه ما معلن ) .. طبعا في ناس لما تشوف التكلفة طوالي تحسبها بسعر الألواح .. ابدا معظم مشاريع الطاقة أغلب التكلفة ما بكون في التوليد بكون في نقل الكهرباء وربطها مع الشبكة القومية باقي الشغل اغلبو مدني ومساحة (في ما يخص التثبيت بتاع الفريمات وتركيب الخلايا الشمسية) وأنت عارف منطقة زي عطبرة 11 شهور كتاحة وشهر …
الموضوع ده كان حلم كبير أيام المدنية والأسعار الحالية للكيلو واط أكتر من 10سنت للمستهلك ممكن تشجع ناس كتار يدخلو بشكل تجاري بل ممكن تجينا شركات هندية وحتى أوربية .. في شباب مهندسين وقانونيين كانو شغالين على الحاجة دي لكن المماحكات مع عسكر السجم ما خلت يجاز ليها قانون والناس تشرع بشكل موسع في اضافة طاقة شمسية للشبكة القومية بشكل تجاري زي ما موجود في مصر والأردن وغيرها

‫شاهد أيضًا‬

49 إصابة في مليونية 29 سبتمبر من بينها 29 إصابة مباشرة بالغاز المسيل للدموع

الخرطوم – الشاهد: عن رابطة الأطباء الإشتراكيين صدر تقرير ميداني فيما يلي نصه: سجلت م…