‫الرئيسية‬ آخر الأخبار الحسوا كوعكم .. تتقال بالصمت
آخر الأخبار - رأي - فبراير 5, 2021

الحسوا كوعكم .. تتقال بالصمت

عمر عشاري :

معروف طبعا انو الانتقالية زيها زي اي حكومة عندها مدافعين ومبرراتية لاي حاجة دا مفهوم ، الما مفهوم اننا نوقف الضغط والأسئلة والمحاصرة عشان نحصل على حقنا في المعرفة والمعلومات بس ، خلوها الكهرباء هسة ، خصوصا انو مافي برلمان بنادي الشخص المسؤول عشان يستجوبو

المبرراتية ديل ناس دي ورجقة ، واصلا خيري مجتهد ، ويعمل شنو ، ودي مشكلة امكانيات ، والكيزان دمروها الخ

لكن شوفو البحصل في الكهرباء دا عدم مسؤولية عديل وعدم اهتمام بنقاط بسيطة ماعندها علاقة بالامداد

في حال انو التوليد غالب الادارة لاسباب موضوعية المطلوب كومنيكيشان بلان مع المواطنين

لازم يكون في ناطق رسمي باسم الكهرباء يطلع يقول محطة كوستي طلعت من الخدمة ، الجاز اتاخر ، في ناس سرقت الابراج

طبعا في ناس حيشوفو انو دي حاجة غريبة ، لاننا اتعودنا انو ما من حق المواطن يعرف ويفهم

الحاجة دي وصلت حد انها خدمة مامفهومة وتعامل ادارتها فيهو عجز مخيف، يعني مافي خدمة اساسية زي دي بتكون مافي اغلب الوقت بدون مايكون في تصريحات وتوضيحات

يعني حاجة مدفوعة مقدما
وباسعار زادت جدا في الفترة الفاتت
وبتقطع في احياء بشكل مريع دون احياء اخرى ودي مشكلة وظلم لدرجة انو في ناس ماواصلاهم كهرباء عديييل مقابل مناطق بعينها فيها كهرباء مابتقطع
وطبعا مافي جدول واضح

والقطوعات زمنها فيهو بلادة كدا لانو مثلا مافي تنسيق مع مستجدات بعينها زي فتح المدارس

الناطق الرسمي دا مثلا ممكن يورينا ليه ما ممكن بدل تقطع من ٦ ص ل ٤ مساء، انها ممكن تقطع من ٨ ل ٦ مساء” بالله شوف سقف توقعاتنا وصل وين ، اقل من برش ”

ممكن يكون في مشاكل فنية نحن مافاهمنها ، وليه مافي جدول واضح ؟!

وعموما ليه في غباء صامت كدا ولا مبالي
دي ماياها ” الحسو كوعكم ” ذاتها

بتتقال بالصمت

‫شاهد أيضًا‬

الدعم السريع يفرج عن 28 من عناصر الجيش

كادقلي – الشاهد: أطلقت قوات الدعم السريع سراح 28 من الجيش تم أسرهم قبل نحو اسبوع في …