صورة

الطيب عبد الماجد :

استوقفتني هذه الصورة المحتشدة لهذا الشرطي
وهو بربط ليها في ( الجزمة ) عشان تمشي المدرسة
مكتملة الهندام والجمال ……

قلت ليهو على لسانها …

تعظيم سلام يا يابا
كل الإحترام …

يالديمة واقف منتبه
جنباً سلاح
صفا إنتباه
خطوات نظام ..
والليله بس أرضاً
( صباح ) ….

حاشاك ما جالس أبوي
إت محلق في السما
وحايم وسط كل النجوم
ضلي البفج وجع الضلام

ليك التحية وليكا منى
الشوق والسلام …..!!

إن شاءالله يا أبوي السمح
حالنا يزهر ويتصلح
و أرد ليك اللقطة
يازول ياسمح
أنا شارية ….
عارفا إنو البيع ربح

تعظيم سلام …
يايابا بتك ماشة تدرس للعلوم
وقلبك الحاني العطوف
أبيض كما هذي ( الهدوم )
جالس حداي ..
يا سر غناي
بس إت محلق في الغيوم

تعظيم سلام يايابا
كل الإحترام
أبويا فراق الهموم
وأبويا سيد ريدي وبراي…
وبعد أبوي …

كمل الكلام

بتك الحلوة