تصاعد المطالبات بإقالة وزير الطاقة

الخرطوم – الشاهد :

تصاعدت المطالب الشعبية بضرورة اجتهاد الحكومة لايجاد حلول جذرية للقطوعات المتكررة وغير المبررة للامداد الكهربائي ووجه ناشطون رسائل شديدة اللهحة للسيد الوزير : اذا انت غير كفؤ لحل مشكلة الكهرباء في البلاد وتجي الشغل تقطع الكهرباء وترجع بيتكم تقبض مرتب بالدولار وعامل لينا زياده ف الكهرباء ٣٠٠٪ وهي اساسا مامتوفره فيبقي تسقط بس وتتنحي فورا قبل ما تقوم فيك ثورة غضب. وقالوا : تجيبوا خبراء أجانب تتصرفوا مامشكلتنا نحن رافضين لانتهاك حقوقنا اكترر من كدا وماحنقبل تاني قطوعات لساعات طويله بالصوره دي المشكله الحاصله دي ما مشكلتنا نحن كمواطنين دي مشكلتك كمسؤول ماحنكست تاني..

ووجه ذات الناشطين رسالة للشعب : شعب الله الصبور اي مسؤول تاني ماشايف شغلوا يدق ويترمي في الزباله..
انتهى زمن الفوضي واللعب وماحنكست تاني فالحين تركبوا اللاندكروزرات وتصرفوا بالدولار والشعب مطحون.

ويعاني السودانيون من الانقطاعات المتوالية للتيار الكهربائي في معظم الولايات، ولفترات تصل إلى أسبوع في بعض الأحيان، على خلفية عدم سداد 20 مليون دولار مستحقات متأخرة لصالح الشركة التركية المسؤولة عن توليد الكهرباء في عدّة مدن سودانية.

وتعاني شبكة الكهرباء السودانية من عجز كبير في القدرات على مدار السنوات الماضية، ما دعا الخرطوم إلى البحث عن حلول من بينها مشروعات الربط الكهربائي مع دول الجوار، وفي مقدمتها مصر، حيث بدأت المرحلة الأولى من الربط في 4 أبريل/نيسان من العام الماضي، بقدرة 70 ميغاواط، ومن المتوقع أن يصل إلى 3 آلاف ميغاواط