( مأمون ) غير ( آمن )

الطيب عبد الماجد :

هالني اليوم ما وصلني عن الإعلامي الكبير ( مأمون الطاهر ) هذا المثقف الرياضي المعتق وصاحب الحضور الطاغي والمعلومة المبهرة وأنه تعرض للطرد من شقته لان عليه متأخرات
إيجار ….!!

( الكلام دا ماكويس ولله في حقنا وفي حق الدولة السودانية دي ….!!)

رجل قدم كل هذا العطاء وملأ هذه الشاشات بهذا الحضور الكبير لسنين عددا لإيجد من يقف بجانبه وهو يعاني هذه المعاناة وقد استبد به المرض …!!

على الجهات المعنية التحرك وفورًا كمان للحاق ما يمكن لحاقة ….!!

على الإخوه الزملاء الإعلاميين ونحن معهم في الداخل والخارج الانتظام في نفرة للرجل والوقوف معه

( مأمون الطاهر ) دا لما يحلل الدوزي الإنجليزي
مافي زول غيرو كان بعرف مساعد المدرب اسمو منو
ولما كان يتكلم عن الكوره العالمية الناس تقعد وتتفرج وتستفيد ونستمتع وتسمع بس …حضور ذاتو مدهش
اشهد انه لايقل اداء عن كل كل مقدمي البرامج الرياضية العالمية ….زول لما تشوفو في التلفزيون تثق في كلامو وتتابع بتقدير ومتعة ( تاني فضل شنو )

ومن لايكرم مبدعيه فقد ظلم ….!! !

وجعنا فيك كبير …!!
لأنك كبير ..

عن أي تغيير نتحدث …!!

( دنيا )