آخر الأخبار - رأي - أبريل 12, 2021

في شنو ……!!! ؟؟

الطيب عبد الماجد :

كأن هناك من يريد أن يجركم جر لمواجهة مع الناس ….!!

إنتو أصلو مافي قراءة للواقع ولا تقدير للممكن يحصل …ولا تطمينات للناس … ولا أي حاجه ….!!؟

ماعندكم مراكز قراءة للرأي العام ……!!
ولا الناس دي قاعدة تقول في شنو ….
ولا ترمومتر لقياس ومدي شعبيتكم ……

بالمناسبة المؤتمر الوطني كان عندو الحاجات دي كلها
كانو بحللو حتى ( النكات ) وبعرفو الشاغل الناس شنو ….!!
ولو عايزين يشغلوهم برضو بعرفو يعملو شنو …!!
وياتو نوع من الأخبار ممكن تكون مؤثرة وتشغل الأجواء …

ورغم كل هذه الإحتياطات الأمنية ….والمواهب …..!!
سقطوا

أوعى يجيني واحد هنا يقول لي ما قلنا ليكم من زمان
( زمان دا فعل ماضي ما برجع تاني )
هذه خيارات ماعندها علاقة وليست بالضرورة انها لم تناسب ذلك التوقيت إلا لمن تهيأ للرفض المسبق بغض النظر عن المخرجات والنتائج
ومايحدث الان نستطيع أن نشجبه وندينه ونطلع ليهو
الشارع ونطالب بي تغييرو ….ونسقطو كمان …وكلو
بالذوق ….ولو أبو ….!!
هل إنتو كنتو بتسمحو بي كدا ….!!!؟

وبالنسبة لي جماعتنا ديل ..
إنتو مالكم يعني …!!؟
معقوله صوت المكيفات الفي مكاتبكم دي أعلى من صوت الشارع …ولا في شنو

دايرين تصلو لي شنو إنتو …!؟؟؟

السودانيين ديل بس أطلعو إتكلمو معاهم وقولو ليهم
الحاصل كدا …ودايربن نعمل كدا ….ومقدرين صبركم
ودا موقفنا المالي …ودا البواجهنا من مشاكل ….
إمكن تشفع ….واحتمال لا …
بس هذا التجاوز مخل ….!!
ونتائجه ليست في مصلحتكم …!!

مالكم ياخ …!!!

‫شاهد أيضًا‬

الدعم السريع يفرج عن 28 من عناصر الجيش

كادقلي – الشاهد: أطلقت قوات الدعم السريع سراح 28 من الجيش تم أسرهم قبل نحو اسبوع في …