مواطن يعرض على اسرة علي عثمان الإقامة في منزله بغرب الحارات

الخرطوم – الشاهد :

كتب بشرى احمد علي : بالنسبة لأسرة علي عثمان محمد طه والتي تم تشريدها اليوم من قبل لجنة تفكيك التمكين وطردها من السكن ..
انا أعرض عليهم الإقامة في منزلي المتواضع الواقع بغرب الحارات بامدرمان ، محطة مبروكة وبالقرب من مكتب حركة العدل والمساواة فرع كرري..
عشان تعرف البيت والوصف كويس انت ما محتاج الي GPS ح تلقى (حصان) بياكل في برسيم بالقرب من محل بائعة الشاي..
كل زائر وصفت له البيت عن طريق (الحصان) وصلني من دون أن يتوه..
واستدرك بشرى : لاحظتو حاجة في عملية إخلاء بيت علي عثمان بواسطة الشرطة؟؟
ظهرت فقط الشنط..
طيب وين الدولايب والسراير واوض النوم وعدة المطبخ
وبعدين الأطفال الذين ظهروا في الصورة هم من الجيل الرابع والخامس..
اعتقد ان أسرة على عثمان كانت متهيئة لهذا الإخلاء والذين بقوا في المنزل هم عبارة عن تمثيل رمزي للاسرة وليس كلهم، فهم كانوا يراهنون على تفكك لجنة تفكيك التمكين او حلها لذلك لجات الأسرة لانصاف الحلول..
أسرة النائب الأول لها ارصدة ضخمة في بنوك تركية وتمتلك شقق سكنية وفنادق في استنبول ولم تكن في حاجة لهذا المنزل، وعلى عثمان مثل غيره من الكيزان خطط واحتاط لكل تقلبات السلطة بما فيها حفظ الدولار الأبيض لليوم الأسود.