إلى المخدوعين في كيانات البرهان الوهمية .. اجيبوا على هذه الأسئلة

مجاهد بشرى:

بالنسبة للمنظمة اللي اتكونت في شهر مارس و مش مسجلة في أي جهة حكومية( اتأكدنا اولا طبعا) ، و فجأة خلال ١٢ يوم تعمل ورش للشباب و تجيبهم من الولايات ببصات خاصة و تسكنهم فنادق وسط الخرطوم ، و تكون ورشاتها في فندق كورنثيا،و يطلع مجلس السيادة الانقلابي القتل اكثر من ١٠٠ شاب منذ انقلاب الـ ٢٥ من اكتوبر و يقول انه الامين العام لمجلس الانقلابيين الفريق الركن محمد الغالي كان حضور للورش دي وجهاز الأمن الوطني و الفكي جبرين كذلك ، في وقت لجان المقاومة اذا اتجمعوا نفرين بتم اعتقالهم ، او حتى من بيوتهم كمان، اعتبروني زول حوري و لا ابو هاجة ساي لكن اجيبوا على اسئلتي دي :
١- انت كزول عاقل ما جاك شك في المقدرة المالية لمنظمة مجهولة من العدم و تعمل ورش للشباب في فندق كورنثيا ؟
٢- قول انت زول ما انتبهت ، طيب ما سألت ليه صاحب الدعوة ما دعى الناطقين الرسميين ممثلي لجان المقاومة المعلنين ، او اسر الشهداء ليه ؟
٣- وجود اسماء الحسيني البتمثل المخابرات المصرية عبر مركز الاهرام وهي بتلف و بتخاطب فيكم ما اثار الشك في نفوسكم في الفترة الحرجة دي ؟
٤- طيب ياخ وجود جهاز الأمن و مجلس السيادة الانقلابي و الفكي جبرين ما خلاكم تكتشفوا القصة كلها ، دا لو ما كنتوا عارفين و عاملين رايحين يا شوية @$^*&؟
٥- انتوا مفتكرين انه ما في نصكم ناس كانت شجاعة و نضيفة جاءت وحكت تفاصيل التفاصيل وقدمت مستندات و تسجيلات لا يمكن نشرها عشان ما تضرهم ودي الخلتنا نتابع الموضوع ؟
* اذا انتوا بتفترضوا فينا السذاجة ، فبالتأكيد انتوا غباءكم عينة ، و ما بنخليكم