الطغمة الانقلابية قتلت أصحابنا… كيف لها أن تعيش؟

أحمد نمر:

بخروج الميثاق الثوري للجان المقاومة تكون الثورة قد مضت خطوات كبيرة ونوعية في طريق وحدة قوي الثورة الحية
اولا مواثيق لجان المقاومة هي عصارة جهد شباب الثورة
وهي مهر دماء شهدائها
حقا لقد حفظ هذا الجيل حق من استشهدوا
كيف تفاوض من قتل صاحبك وجارك. وصديقك
كيف تفاوض من قتل زميل الدراسة
كيف. تفاوض من غييب من كان معك في باحة بيتك أو في الصالون ترتدون ملابس الكرة معا ثم تناديهو امك نادي فلان عشان تاكلوا
كيف تفاوض من صوب سلاحه تجاهك وكاان المقتول من معك في كل حياتك
اعتقد
#لاتفاوض
ومن يفاوض لم يكن يوما هنا في شوارع الثورة ولم يفقد
وعندما تفقد صديقك ودفعتك في الحي ستظل غريبا وتفقد معنى الحياة
فالحياة يمنحنا لها من هم معنا يفهموننا نهظر معهم نتحاور معهم يدقونا وندقهم ونظل على حياتنا لو تأخروا نمشي البيوت نسأل عنهم فتجيب الأخت أو الأم أو اي زول
خش صحيهو عشان ياكل
دا سودانا اها نحن ما قبلانين التفاوض كيف لنا مشاركة قتلة أحبابنا وقتلة الحياة
الميثاق الثوري لتأسيس سلطة الشعب بيدي كل زول حقو الا من أبي
الطغمة الانقلابية قتلت أصحابنا كيف لهاا أن تعيش
#لاشراكة_لاتفاوض_لامساومة
وتظل
ثورة ديسمبر لسودان جديد غير الذي
سودان تلقى فيهو الريدة
تشتاق للربيع
سودان وطن حقيقي يكفل الحقوق والحريات
وطن للسلم اجنحتو
وطن بالفيهو نتساوي
ونعرف أن مافي وطنا.؛.
يكفي الدنيا كلها
ونحن أولى