آخر الأخبار - نصوص - فبراير 11, 2021

ما بتنقلب

عبدالوهاب هلاوي

ما بتنقلب
دي الثورة في عيون العيون
والثورة في قلب القلب

ودي إرادة الشعب الجميل
لو مات عديل
عانى وتعب
ما بتنقلب
ما بتنقلب
ما بتنقلب

لو الصباح بقى لينا ليل
وامتد صف العيش عديل
من بري ل ام بده السبيل
لو تتكي السما في الارض
لو الشمس تشرق غرب
لو ننضرب
لو ننصلب
ما بتنقلب
ما بتنقلب
ما بتنقلب

مابتنقلب
لو الفرح بدا مستحيل
لو نفنى جيل
ورا جيل وجيل
دى حكاية الشعب الأصيل
يا القرشي يا عبد الفضيل
يا عركي يا قبر الخليل
صبرا جميل
يا كل محب
ما بتنقلب
دي الثوره في عيون العيون
والثوره في قلب القلب
مابتنقلب
ما بتنقلب
ما بتنقلب

‫شاهد أيضًا‬

الي وزيرة التعليم العالي والبحث العلمي

بروفيسور نبيل حامد حسن بشير : الكل يعلم عن الدمار الذي الم بكل الجامعات السودانية والتعليم…