الشرطة التي لا تشبهنا

ميسرة عبد الرحمن:

بخصوص بيان الشرطه الهزيل كالعاده قال الشباب قفلوا الشوارع ايوه يقفلوها من عرباتكم البتكتل من طرف وتدهس من طرف وامس القريبه دي جيتو بالعربيه وضربتو الشهيد الشاب اليافع عيسى من مسافة متر واحد يقفلوا الشوارع ويقفلوا اي زقاق انتو بتجوهم من خلالو . ثانيا بيانكم الهزيل قلتوا فيهو الناس ديل معاهم ناس سايقين مواتر اااي مواتر وديل منظمين مجموعات في مجموعة توجيه الحشود وفي مجموعة مواتر بتراجع المتاريس الورا الثوار وفي مجموعة مواتر استكشافيه عشان انتو غدارين وفي مواتر اسعافات انتو عايزين الثوار يمشوا ساي كده وانتو تقتنصوهم زي العصافير ؟النقطه الاخيره التي ذكرها بيانكم الهزيل قلتوا مافي جهه سياسيه واضحه في حراك اليوم اااي مافي جهه سياسيه وده اليوم النحنا كنا عايزين نصل ليهو كل الشعب ضدكم وضد الانقلاب بيان قميئ يشبهكم يامن لاتشبهوننا كما قال وجدي البطل والثوره مستمره والسقوط مستمر منذ اعلانكم الانقلاب