من بريد الشاهد : شكوي امرأة ضد مخبز بمربع 2 الفتيحاب

ابوسعد – الشاهد
وردت الينا الشكوي التالية من احدى المواطنات بمربع 2 بابي سعد :

ياناس الفتيحاب عامة عندنا مشكلة نحن سكان مربع (2)ماعارفين نشكي لي منو افيدونا ي ناس المربعات الاخرى المشكلة هي بتتلخص في المخبز البلدي مخبز المدينة المنوره غرب زلط البحر صاحب الفرن انسان ظالم وانا شخصيا قدمت شكوي لي شباب المقاومة وجدنا حل موقت ورجع تاني لي نفس المشكلة اولا انا عندي محل طعمية جوار الفرن شفت بعيوني الفرن بيبداء شغل من الساعة 10 يعني لمى اقفل الكان حوالي 11 بشوف بعيوني العيش مالي الطاولات لم نمشي مع صلاة الصبح بكون مافي ولا عيشة بنقيف صف العيش بمش وين بشتغل لحدي الساعة 11 صباحا وبقول مافي عيش واذا الكهربا قطعت من بقفل وتاني مابشتغل نهائي حتي كان قطعت الساعة 6 صباحا باقي حصت الدقيق حق باقي اليوم بتمش وين ماعارفين واليوم طلع بموضوع جديد قال ماببيع للنسوان لم اتكلمنا قال ح ادي ثلاثة رجال قصاد مرا واحده وفعلا عمل كده لم الرجال بقو شوية بقي يدي راجلين قصاد مرا واحده اتكلمت معاه قال لي كده بس وللاسف رئيس المقاومة جا من بيتم الساعة 7 دخل الفرن وطلع ومافتح خشمو وشايف الحاصل والزله البزله ليها النسوان قدامو وماعمل اي حاجة بتمني ي بكري السر رئيس المقومة تقرا هذه الشكوى وتعلق علي نشتكي لي منو مدام المقاومة واقفة مع الظلم.