‫الرئيسية‬ رأي كمال تعال …!!
رأي - أكتوبر 29, 2020

كمال تعال …!!

الطيب عبد الماجد :

لا إنت لازم تمشي …!!
كمال دا لازم يمشي الروضة فوراً ….!!
هو نحن أملنا كلو خاتنو في كمال دا واخوانو …!!
كيف ما يمشي …!!؟
أنا غايتو أعجبت جداً بي ثقتك ووقفتك وكلامك
لأنك شاطر ومقنع …!!
دي شنو الوقفة الحلوة دي ..والصوت الواضح دا واللبسة …ياخ إنت عبرت عن كل اخوانك المتضررين مبسوط منك شديد …إنت حتطلع زول مهم بعدين وعشان كدا هدية مني ليك ….حندفع لي ناس الروضة قروشهم كلها …!!
قول ليهم عندي عمي قال ليكم دي قروشكم …!!
وكلم ( ماما امينة ) دي في الروضة قول ليها ولو عندكم مشكلة قروش تاني مع واحد فينا ما تقولوها لينا ….كلمو أهلنا…!!

( ولم يقطع عنها الكبير كمال لقب ( ماما ) رغم الخلاف
وليتنا نتعلم )

القصة ما قصة كمال …!!
القصة أكبر من كدا كتير …!!
كمال واخوانو لازم يمشو الروضة زيهم زي الباقين ….!! وبدون قروش ….!!
يا اخوانا كمال لو حسا إنو ماقادر يمشي الروضة عشان مافي قروش حنفقد كمال وحنفقد مستقبلنا كلو ….!!

معليش يا كمال …!!
بالله عليكم ما تكلموهو تقولو ليهو المشكلة قروش ….!!
قولو ليها كان في إجازة …!! الروضة كانت مقفولة ….المهم أي حاجه …!!

…البعرف ناس كمال وروضتو يوصلنا ليهم …!!
ونتشرف بتكريم ذويه قبول هذه الهدية المتواضعة وتكريم كمال لأنو بطل ….!!

مجانية التعليم حق أساسي لهؤلاء الأطفال هذا حقهم وليست هبة
هذا هو الاستثمار الحقيقي ….!! ياهو دا مستقبلنا

أرفعوا العقوبات عن كمال وأخوانه… ودون قيد
عشان عيون أطفالنا ما تضوق الهزيمة ….!!

كمال تعال …!!!

‫شاهد أيضًا‬

الخرطوم….. عين على السلطة ويد على الزناد

عمر عثمان : عندما انطلقت الثورة لم يكن في الحسبان ان تنتهي دون إسقاط الطاغية وتلك كانت غاي…