ما اندفن الشهيد في تربة

المكاشفي محمد بخيت

ما اندفن الشهيد فى تُربة
الدافننو شوق وبذور
وما ضلَّم صباح من غُربة
لو أصبع ظلام اتمدَّ
طفَّا النور
ودمعات الآسى الحراقة
ما موية عيون دفاقة
هى الموية البتسقى التربة
تندَّّی مع الفَجُرْ أوراقا
وفوق كرسى الشَمِسْ تقعُد
وتخلِّف فوق غمامات ساقا
تقول لى الليل خلاص فرتق
ونستى مع أرِضِنا دقاقة
ما الشايفنو فى شاشة عمُرنا بكا
هُوْ الدرب البودِّى جذور
هُوْ البمنح بياض النغمة لى العصفور
هُوْ البيغطى راس الارْضْ لما تدور
هُوَ البعزف على الكيتا وعلي الدلوكة والطمبور
هُوَّ دويتو بين الضفة والعتمور
وشوق من شوق وِلِدْ تاريخ
غياب ستف مجيهو حضور.