‫الرئيسية‬ رأي البغلة في الابريق
رأي - نوفمبر 2, 2020

البغلة في الابريق

علي الكوباني :

كلما تنتقد الحكومة بشقيها السيادي والتنفيذي او تكتب عن أي خلل او عن ضيقة اهلنا في ظل عدم التقشف الحكومي والسياسات الما مدروسة بما يتناسب مع واقع دخل المواطن المتوسط الحال..يقوم يجي ناطي ليك كوز او ضنب كوز ويقول ليك( ما هي دي الحكومة الكنتوا بتدعموها.. وسايقين الناس بالخلا…وما ادراك ما القطيع..وكل تلك المفردات الكيزانية القميئة والسمجة)..عشان كده بنقول ليهم تااني..نحن ما زيكم الفي ال30 سنة المضت خليتوا منسوبيكم يدمروا البلد وينهبوها..نحن بنقول البغلة في الابريق للمسئول في عينو..وبنكتب محل العوق والعوج الشايفنو في الحكومة وما بنأله اي زول (كان بعاتي ولا قرموط)..وما ناكرين انو دعمنا حكومة الثورة وشجعناها ولا زلنا..لانها دي حكومة جابتها الثورةالعظيمة..ولو اتمادت في التضييق على الشعب وهم قاعدين متجدعين كده لازم يمشوا ويجوا غيرهم وحواء السودان والدة..لكن بإذن الله ستبقى الثورة محروسة بشبابها ولا عودة للكيزان تجار الدين الفاسدين..ولا اي ككو سرق البلد
غايتو اصلا البؤس الجد في الحكومة دي الادتكم فرصة تسخروا مننا
# بس الحقيقة الازلية.. أنو ما في اتفه واسوأ من الكوز الا ضنب الكوز
# اها هسه انا سألت مجلس السيادة اذا كان صحي اشترى 3 عربات ميرسيدس من شركة اسامة داؤود لبرهان وحميدتي والكباشي..؟ حسب السؤال الورد في عمود الاستاذة الصديقة سهير عبد الرحيم..وانو العربية الواحدة ب52 الف دولار فقط.. بِسس

‫شاهد أيضًا‬

مع السلامة

الطيب عبد الماجد لا أدري من هو هذا المسافر ولكن بالحب والدموع كان الوداع على عتبات المطار …