السياسة كياسة …!!

الطيب عبد الماجد :

السياسة ليست كما كانت سابقًا …..
فعندما عزف ( بيل كلنتون ) علي ( الساكس ) في حملته الانتخابية وقتها شهدت صفوف الانتخابات إقبالًا غير مسبوق من الشباب الزاهدين في التصويت والغائبين عن المشهد الانتخابي في أميركا حينها
لكن الرجل وصل اليهم وجابم بي ( صولة )

وعندنا وعد ( ترامب ) أباطرة النفط الصخري بأربع سنوات ( سمان ) وضمن الولايات النفطية في جيبة
خاطب ( جو بايدن ) المواطنين الفقراء فيها والذين يتأذون من بيئة الحفر والتنقيب والتي تهددهم بالزلزال وطبطب عليهم ووعدهم بتقليم أظافر المنقبين …!! فمنحوه أصواتهم وأرواحهم وانتصر الأحرار على الدولار ….!!

أنغيلا ميركل دي ماسكة ليها أكبر إقتصاد في أوروبا …!!
ناس المرسيدس و ( البي أم ) وسيمنز …ودويتشه بنك
لما يقوم عليها بتدي الألمان ديل حنان لمن سامنها ( ماما ) ….!!

( جاستن ترودو ) أصغر رئيس وزراء في تاريخ كندا
مسؤول من ترليون وخمسمية وخمسين مليار دولار
ناتجهم الإجمالي …بدق السيلفي دا عادي مع الناس في محطة القطر …

نحن ناسنا ديل مرات كلام ساكت ما دايرين يتكلمو معانا
الحاصل شنو ….!!؟ حاكمين منو إنتو …!!!
ليه ما بتطلعوا للناس تعلقوا على المواضيع الساخنة وتعملوا على تنوير هذا الشعب الصابر …!!

لذلك أهمس في أذن كل اللاعبين في مسرح السياسة السودانية ….والقادمين الجدد
والرسالة للجميع أن لن تعبروا قيد أنمله اذا لم تطبعوا مع شعبكم هذا تطبيعًا كاملاً وشفافاً وصريح …
وتصلوا اليه ….!! قبل ان يصل إليكم ….!!
وأنت تعلمون الفرق بين وصول ووصول …!!!

وتعوا جيداً أنه قادر على الوصول ….!!

وأي رهان علي غير الشعب فهو خاسر …!!

رغم كل التعقيدات في السودان …!! يظل هذا الشعب والثوار هم من يملكون زمام المبادرة على الأرض …!!

الكلام دا ما من راسي …!!

( الشفوت ) في الحكومة بعرفو….!! و( الخواجه ) بعرفو …
وأي محلل بسيط بعرفو …!!

في شنو مالكم ….؟؟؟؟؟؟؟؟؟؟!!!