المغصة في الابريق

علي الكوباني :

رسالة من ود حلتنا الكوز
(اها يا بتاع الميتين..السنة كلها تشتم يا حرامية ويا فعلتو.. ما خليت لينا جنبه نرقد عليها..
وكمان واك ..واك..واك حمدوك جاكم والله اداكم..
ويا حمدوك حبيناك من قلوبنا واخترناك يا حلو..وحمدكة سيد الشي وكل شي وأمل الأمة ..ورفع العقوبات وطلعنا من قائمة الارهاب..وي وي وي.
وشنو ما عارف حمدكة القرموط والقرقور النطا من الصاج بعد القلية التالتة..
يااخ عملت لينا زيطة ودوشة شديدة لمن شفقنا..
هسه بعد أهلك تعبوا وضاقوا وجاعوا..ليك فترة تجقلب وتتجرس ..واي واي واي.. العيش وينو ..والوقود..والكهرباء والمويه زادوهم..والجنيه انهار والدولار طار..والمعيشة نار وسندويتش الطعمية بميه
انا بهدي ليك اغنية جاركم الشاعر الجميل صلاح حاج سعيد (ما قلنا ليك الحب طريق ..قاسي وصعيب من اولو..ما رضيت كلامنا وجيت براك..اهو ده العذاب اتحملوووووو
انتهت رسالة الكوز الشامت..
وقلت امغصكم معاي وما بموت براي بالحسرة
* على العموم ما منك يا كوز الطلس لكن من لجنة البشير الامنية الحمتكم
# شكرا_حمدكة