‫الرئيسية‬ رأي البغلة في الابريق
رأي - أكتوبر 27, 2020

البغلة في الابريق

علي الكوباني :

يبدو انو في بعض الاحباب اختلطت عليهم بعض الدعابات والكوميديا السوداء البرسل معاها بعض الرسايل المهمة في وجهة نظري..
يعني الشغلانة ما دقيق ولا اي هيافة زي دي
لكن انا عند رايي..امريكا وربيبتها ما عندهم حاجة لزول غير مصالحهم فقط..ومهما كان الرئيس منو ترمب ولا بايدن… بالنسبة لينا واحد..
وآن الاوان لبلدنا يشوف مصلحته فقط ..ويطلع من عقوبات لائحة الارهاب..ويقدر يصدر منتجاتو علنا.. وتتعامل حكومتنا ماليا مع كل بنوك العالم بدون اي وسطاء بعمولات عاليه..ويقدر يستورد التكنولوجيا الزراعية والطبية والصناعية بدون طرف تالت يغلي الاسعار.. ويشتري الطائرات المحترمة وبقروض ميسرة من بنوك عالمية..ويستغل بلدنا مواردو الذاتية بدل ما مستغلنها المصريين وبصدروها بأسمهم زي اللحمة وغيرها..نعم نشوف مصالحنا ونطلع بلدنا من حفرة الفقر والعوز والظلمات وبعدين نمشي نشوف ونساند قضايا الشعوب التانية والامة الاسلامية…نعم تبقى بلد قوي وليك سيادتك وكلمتك وشعبك في نعمة من كريم وما في زول بقول عليك ارهابي..
دي المبادئ الوطنية الحقة..ولا ما مجال للعواطف الا فيما ينفع شعبنا..نحن بعد رفع العقوبات وتفعيل التنمية واستقلال موارد الله الحبانا بيها ما محتاجين لزول..وأصلو ده ما وقت مساندة قضايا ما بتصب في صالح نجاح انتشال بلدنا من وهدتها..الناس تعبت والزمن ماشي..ما نبقى ننظر في كلام المبادئ الانسانية..والبلد في ضيق شديد واهلنا ما لاقين جمر يلوكوهو ذاتو
نطلع بس.. من لائحة الارهاب وما في شي اهم من كده…وتاني ما في مجاملة على حساب اطفالنا في الولايات البعيدة البقروا تحت الاشجار وسط الكلاب والهوام ما في مدارس كبيدة وكيبس..
دي رأيي الشخصي..
# السودان وبس..وان جنحوا للسلم اغتنم الفرصة وارفع اسمك بره لائحة الارهاب..بعدها فلينصرن الله من ينصره

‫شاهد أيضًا‬

صورة معيبة عن الحكم المدني

د. محمد صديق العربي : بدايات الفترة الانتقالية راهن أحد الأصدقاء على ان شخصية حمدوك المعرو…