بشر الحافي
بشرى الفاضل :
يا قمراً نورو وبلورو
من كونن فوق لي أوصافي
يا موجة مقطرة من غيمات
لي بحر الريد الصافي
راجع لي وين؟ أنا راجع ليه؟
من رفقة معاك في عصير معمور
في حدايق ما بتنشاف
ببلد مخطوف
ماليهو سقوف
من كتر غيابو صبح مافي
راجع من وين ؟
لي وين راجع؟
حرّان
الدنيا شتا وقلبي انا دافي
ضهبان ما لقيت الباب
نطّيت السور
واديت الهم عرض أكتافي
وخفيفاً.. أنا كلي خفيف
خفيف خفيف خفيف
زي ضو مسحور
يا آه يا شوق يا حب في منافي
ضهبان ما شفت الباب من تاني
ولا راعيت السور
أنا كلي حبور
وخفيفاً حلّت بي مهجة بشرْ الحافي
