الحاصل شنو …!!

الطيب عبد الماجد :

هذه الأعداد الكبيرة من الوفيات علي ( التايم لاين ) تؤكد بشكل قاطع أن هناك خلل صحي وكبير وفادح

نؤمن بقضاء الله وقدره ونسلم تسليماً مطلق لكن ذروة سنام الدين هي أن يحافظ الإنسان على نفسه بأن يعقلها ويتوكل ….!!

شنو ياناس الحكومة إنتو ما شايفين الموت دا قدام عيونكم ….!!!
ماذا عن المصابين بامراض اخري وهذه مسالة في غاية الأهمية ..حتى لايلقى كل الأمر على شماعة كورونا

لم نقل لكم تعالوا بالعجائب ولكن أفعلوا ما يليكم والباقي على الله ….!! وفروا الحد الأدنى من المعينات ليس كل المرضى كورونا هناك أمراض أخرى تحتاج رعاية …يعني من لم يمت بالكورونا مات بغيرها
البلد دي مافيها دوا كافي ولا مشافي مجهزة ولا أي حاجه ….!!

نما لعلمي حديث تلفزيوني لوزير الصحة المكلف بتكلم فيهو عن مناعة القطيع ….إذا كانت الدولة بتفكر في هذا الاتجاه
نكون نحن والله صحي صحي قطيع بالنسبة ليكم ….وأتمنى أن أكون مخطئاً ….!!

وزير الصحة يطلع يورينا بالظبط الحاصل شنو …!! والموقف الدوائي وصل وين ..!؟؟ وخطط الوزارة للتصدي لهذه الجائحة في موجتها الثانية هي شنو ….!! وماهو المطلوب …والناقص شنو
لأنو إنت لو ما طلعت هسا متى ستخرج ….!!

لا أشكك في قدراته لكن يجي يورينا هذه القدرات …!!

مع هذا الظرف الاقتصادي الضاغط دا جابت ليها موت مجاني كمان ….!!

كتير والله …..!!